Un grupo de profesores da Universidade de Vigo veñen de asinar un documento no que advierten da improcedencia da construcción dunha pasarela de madeira nas dunas de Figueiras-Muxieiro nas Illas Cíes.
Segundo advirten, este complexo dunar é un valioso ecosistema natural protexido no que salienta a singularidade dos seus habitats e especies que é prioritario conservar e consideran que as obras da pasarela, feitas con maquinaria pesada veñen de producir un “impacto ecolóxico directo de notable magnitude” pola eliminación de centos de metros cadrados de vexetación e alteración morfolóxica das dunas, especialmente a creación dun desmonte que promove a desertización das mesmas.
Os dez profesotres asinantes sinalan que esta infraestructura producirá tamén “impactos directos perante a súa vida útil, xa que será unha nova vía de acceso a illa para centos de visitantes. “Por exemplo, cando a afluencia de visitantes é meirande, prodúcese o espallamentos dos sementes da camariña, especie que conserva nesta duna unha das dos únicas poboaciós que quedan en Galicia e que interacciona coa fauna, algo necesario para a rexeración natural desta población”.
Por último, advierten que o actual proxecto constructivo non cumpre o disposto no Plan de Ordenación dos Recursos Naturais (PORN das Illas Atlánticas de Galicia, Decreto 274/1999, DOGA 28/10/1999). Lamentan a ausencia dun proceso formal da comunidade científica e sinalan que este espacio ten que permanecer coma Zona de Reserva de Acceso Restrinxido.
Por elo solicitan á Dirección do Parque :
A paralización das obras e a posta en marcha dunha prorposta de restauración inmediata. Ofrécense a colaborar coa Dirección para atopar a solución máis axeitada para a conservación das dunas e formar un grupo de traballo multidisciplinar, contando cos investigadores da Universidade de Vigo.
