Os retratos mandan en Castrelos

Este domingo, Landriña será a encargada de ensinar a todo o que lle apeteza como antes do nacemento e popularización da fotografía eran os pintores os que nos seus lenzos retrataban as persoas de moi diversas formas. Unhas veces de xeito naturalista ou realista; outras, de xeito imaxinativo e creativo. Da man da mascota visitarán as salas do pazo descubrindo retratos moi diferentes, experimentando a idea de ser eles os retratados.

A partir das 11:30 horas e durante unha hora, os 15 nenos participantes, sos ou acompañados dun adulto, crearán a partir dun divertido xogo un retrato moi diferente e creativo.