O Club Baloncesto Seis do Nadal – Coia organizará durante o mes de agosto de verán, as 5ª Xornadas de Tecnificación “Monográfico de Tiro – Verán 2010”. Despois do éxito das pasadas edicións a entidade volver a celebrar estas xornadas de perfeccionamento técnico, nesta ocasión nas vacacións de verán..
O obxectivo destas xornadas é reforzar o traballo de técnica individual dos deportistas do Club Baloncesto Seis do Nadal e do baloncesto vigués e galego, fundamentalmente nas idades óptimas para a formación. Nesta ocasión, especialmente da mecánica de tiro e o seu xesto, de máns dos adestradores do corpo técnico do Club Baloncesto Seis do Nadal – Coia e de técnicos convidados de contrastada experiencia no deporte da canastra.
A Quinta Edición das Xornadas de Tecnificación se celebrará os días 24, 25, 26 e 27 de agosto do 2010 no Colexio Seis do Nadal e no Colexio Illas Cíes de 10:30 a 13:30 horas.
Poderán inscribirse neste “Monográfico de Tiro – Verán 2010” os deportistas do Club Baloncesto Seis do Nadal – Coia e tamén se poderán anotar os deportistas do baloncesto vigués e galego que así o desexen, de categoría benxamín (nados no ano 2003) ata categoría júnior (nados no ano 1993).
O prezo deste campus é de 25 euros para os deportistas do Club Baloncesto Seis do Nadal – Coia e os seus irmáns ou irmás, e de 40 euros para deportistas doutros clubs.
As prazas para estas novas Xornadas de Tecnificación son limitadas e se farán efectivas por rigorosa orde de inscrición (sendo válida a data que figure no ingreso). Para formalizar a inscrición é preciso enviar o comprobante de pago (co nome completo do deportista e o club ao que pertence) e a folla de inscrición, antes do día 20 de agosto do 2010, a este e-mail: [email protected] ou ao fax 986227275.
