O ‘Son da Muralla’ acaba como o rosario da aurora

Era un momento de lecer, pero acabou coa policía case permentemente pegada ao recinto. O vindeiro luns o BNG levará a pleno en Salvaterra unha moción para pedir explicacións sobre o que sucedeu no festival ‘Son da Muralla’, que consideran que “non contou cun dispositivo de seguridade axeitado”.

O motivo: no recinto produciuse un intento de agresión sexual a unha muller, déronlle unha malleira a un mozo, roubaron un vehículo, sabotearon a catenaria da liña ferroviaria e destrozaron mobiliario urbano en distintos puntos da vila.