- Fernando Rascado. Foto: José Cid.
A Universidade de Vigo logrou o primeiro posto na clasificación xeral por equipos no Campionato de España Universitario, disputado esta fin de semana en Madrid. Os participantes galegos lograron un total de 13 medallas (tres ouros, tres pratas e sete bronces) . Con estes resultados, Fani Hernández garante a súa presenza na Universiada que se celebrará este verán en China, mentres que Fernando Rascado e Javier Sieiro teñen moitas opcións de acudir a esta importante cita.
A Universidade de Vigo logrou un total de 10 medallas, que a levaron a conseguir a primeira posición por equipos: Laura Lorenzo acadou un ouro; Fernando Rascado, Lúa Piñeiro e Sara Baños (prata) e David Vidal, Pablo Casares, Lara Ouviña, Ileana Rodríguez, Pablo Fernandez e Miriam Docampo (bronce).
Neste campeonato participaron un total de 270 competidores e preto de 50 universidades. O nivel do campionato universitario é moi alto, en moitos pesos coma se fose un campeonato estatal absoluto polo que o resultado acadado pola Universidade de Vigo (que no 2010 fora segunda por detrás da UNED) ten aínda máis importancia.
