O domingo tes unha cadeira reservada na Festa do Cabazo

O próximo domingo día 4 de decembro celebrarase a “XXIV Festa do Cabazo” no Colexio Carballal organizada pola Asociación Cultural “O Coto”.

A festa dará comenzo ás 11:30 h. co seguinte programa: Grupo de Gaitas “Airiños do Coto” da A. C. “O Coto”. Grupo de Pandereiteiras “A Buxaina” do C.R.A.C. de Coruxo. Lectura do pregón, a cargo de Xosé Couñago, Mestre da EOI de Vigo, especialista e divulgador do Patrimonio Etnográfico e da Cultura Galega. É promotor dunha web sobre o Patrimonio Cultural de Vigo. Presentador da serie Lendas Vivas, que se emite por V Televisión; unha serie documental que combina as entrevistas con historiadores e expertos coa interpretación das Lendas Galegas.

Grupo de Pandereiteiras “Bolboreta” de Vigo. Pola tarde, a partir das 17:30 h, actuarán: Grupo Folclórico  “Helios ” de Bembrive. Animación do  “Grupo de Danzas do Mundo-Monteira” de Vigo. Durante todo o día poderán degustarse diferentes pratos feitos con cabazo. Mostra de Artesanía. Exposición sobre a historia da Festa do Cabazo, na que se mostra o proceso de cultivo, recollida, elaboración e degustación do cabazo.