A Policía Autonómica fixo preto de 150 denuncias contra locais que serven alcohol a menores

No que vai de ano, o Grupo de Menores da Policía Autonómica leva tramitadas un total de 146 denuncias por infrinxir a lei de prevención de bebidas alcohólicas en menores.

Dende a entrada en vigor da a Lei de prevención de consumo de bebidas alcohólicas en menores de idade, a Policía Autonómica está levando a cabo durante as fins de semana unha serie de dispositivos por toda a Comunidade Autónoma co obxectivo de velar polo cumprimento da lei e detectar a venta, consumo e suministro de alcohol a menores.

Os concellos onde se teñen realizado estes operativos ata o momento foron Ames, Baiona, Barco de Valdeorras, Betanzos, Boiro, Burela, Caldas de Reis, Cambados, A Cañiza, Carballo, A Coruña, Cospeito, Ferrol, Gondomar, O Grove, Lalín, Lugo, Melide, Monforte, Mos, Narón, Nigrán, Noia, Ordes, Ourense, O Pino, Poio, Ponteareas, Pontedeume, Pontevedra, Porriño, Redondela, Ribadeo, Salceda de Caselas, Santa Comba, Santiago, Sanxenxo, Sarria, Silleda, Vigo, Vilagarcía e Vilalba

Coma resultado destas 301 inspeccións en locais expendedores de bebidas alcohólicas, foron cumprimentadas 146 actas de denuncia a establecementos por diferentes incumprimentos da Lei, das cales 63 foron a menores e 83 aos locais.

Nestes dispositivos, ademais das denuncias pola infracción, tamén se informou aos propietarios dos locais do seu contido, das actuacións que deben levar a cabo para o cumprimento da mesma e evitar o consumo de alcohol entre os menores de idade, así como, que por parte da Policía Autonómica se continuará coas actividades necesarias para velar polo cumprimento da norma.