Os nosos compañeiros de vigolowcost informan que o Concello ofrece aos maiores unha sinxela integración e incorporación ao mundo das tecnoloxías de información e comunicación. Estes cursos gratuítos para maiores de 55 anos pretenden achegar ás xeracións menos familiarizadas coa informática e internet, as posibilidades destas tecnoloxías. Os cursos comprenden, ademais de Iniciación á Informática, módulos de instrución en trámites electrónicos coa administración e en uso seguro de internet para nais e pais.
Os cursos
No Centro Cívico de Teis (Camiño Maceiras s/n) MAPA
Trámites Electrónicos coa Administración
- 10 e 12 de setembro de 2012 de 10.30 a 12.30
Uso Seguro de Internet para nais e pais
- 17 e 19 de setembro de 10.30 a 12.30
Centro municipal de emprego (Oporto, 1. Antigo Rectorado) MAPA
Trámites Electrónicos coa Administración
- 11 e 13 de setembro de 2012 de 10.30 a 12.30
Uso Seguro de Internet para nais e pais
- 18 e 20 de setembro de 10.30 a 12.30
Iniciación á Informática para maiores de 55 anos
- 24, 25, 26, 27 e 28 de setembro. 1ª quenda de 09.30 a 11.30 e 2ª quenda: 12.00 a 14.00
Inscrición no 010
O Centro Cívico de Teis e o Centro Municipal de Emprego, son os emprazamentos escollidos para impartir as clases, aos que haberá que acudir coa inscrición feita previamente no teléfono 010. Para poder acceder ao curso gratuíto débese cumprir con dous requisitos básicos: estar empadroado no Concello de Vigo e non ter realizado o mesmo curso en edicións anteriores. Todos os cursos son para maiores de 55 anos agás os dirixidos a nais e pais.
Se queres coñecer outras propostas de vigolowcost pincha aquí.
