Non estiveron moi acertados, precisamente, os encargados da campaña do Partido Popular de Galicia para as Eleccións Galegas deste ano. Esqueceron rexistrar o dominio www.feijoo2012.com, con tan mala sorte que o fixo no seu lugar Antonio Sangiao, exdirector do xornal.com que, lonxe de gardalo na súa casa ou pedirlle cartos por el aos populares, deulle forma e adícase a “denunciar ao home que se autoproclamou como abandeirado das políticas de austeridade do Partido Popular que agora está a practicar o seu aliado e compañeiro político Mariano Rajoy e que só están a derivar en recurtes sociais e na destrución masiva de emprego», salienta a páxina.
A nova ven de ser difundida por os nosos compañeiros de galiciaconfidencial.com que salientan que o rexistro do dominio está feito en maio de 2011 por un periodo dun ano.
A web leva por título «A verdade sobre o Goberno do PPdeG», e non so se limita a facer historia, dende a campaña das anteriores Autonómicas ou a xestión do presidente,se non que está actualizada, ate o punto de que fai referencia a un tema que está de máxima actualidade: os contratos de Pemex.
