A deputada do BNG será unha das integrantes da delegación do Congreso dos Deputados, na que tamén están os populares Guillermo Mariscal e Daniel Serrano e os socialistas Francisco Cabañas, Vicente Garcés e Juan Perelló. Todos eles, xunto con varios intelectuais españoles, están invitados pola Comisión Electoral Nacional (CNE) para estar presentes nas Eleccións Presidenciais de Venezuela que se celebran o vindeiro domingo, día 7 de outubro. Ese día, preto de 19 millóns de venezolanos deberán elixir quen goberna o país, se o candidato á reelección, Hugo Chávez, ou o da oposición, Henrique Capriles.
A lei electoral de Venezuela reserva, en exclusiva, a organizacións nacionais a misión de observación das eleccións pero regula a figura do acompañante internacional, para extranxeiros, aos que invita a presenciar, de xeiro independente e imparcial a transparencia das votacións.
Neste caso, a CNE contará con 200 acompañantes internacionais, principalmente da Unión de Nacións Suramericanas (UNASUR), que estarán presentes durante o proceso electoral; ademáis haberá 687 observadores nacionais de distintas organización da sociedade civil.
