Urxencias Sanitarias asistiu durante a fin de semana un total de 82 persoas debido a 57 accidentes de tráfico ocorridos nas estradas galegas entre as 3 da tarde do venres, día 5, e as 12 da noite deste domingo. O maior número de atencións por sinistros rexistráronse o sábado con 24 accidentes. O 061 recibiu nestes días 62 chamadas en relación cos accidentes de tráfico, que derivaron en 57 asistencias sanitarias por parte do seu persoal. A proporción de homes e mulleres atendidos foi do 59 e 41%, respectivamente. Nas idades dos feridos, obsérvase cun 37% dos atendidos tiña entre os 15 e os 29 anos. Por provincias foi A Coruña a que rexistrou máis accidentes con 22 sinistros de tráfico durante os desprazamentos destas datas.
Os recursos sanitarios mobilizados polos médicos que atenderon as chamadas na Central de Coordinación do 061 foron 81. Así, a ambulancia medicalizada acudiu a nove sinistros, o helicóptero medicalizado atendeu en dous accidentes, as ambulancias asistenciais mobilizáronse en 61 sinistros, as ambulancias convencionais acudiron a tres accidentes, e os médicos de Atención Primaria que medicalizan as ambulancias asistenciais do 061, no caso de necesitalo, prestaron asistencia sanitaria en seis sinistros.
En 63 casos os feridos foron trasladados aos centros hospitalarios correspondentes, 10 persoas foron trasladadas a un centro de Atención Primaria, outros sete foron atendidos no propio lugar do incidente sen necesitar traslado e dous persoas faleceron no lugar do sinistro.
