De momento saeu o sol pero, segundo a previsión de MeteoGalicia, a situación vai cambiar pola tarde. Aos ceos con nubes altas seguirá a entrada de máis nubes polo noroeste, onde comezarán as chuvias que se estenderán ó resto de Galicia durante a noite e que serán localmente moderadas e ocasionalmente treboentas no litoral atlántico.
As temperaturas mínimas empezarán a baixar, ainda que as máximas seguirán sen cambios, mentras o vento, que era frouxo e variable á mañá, irá aumentando a sur moderado á tarde. No resto do litoral, ventos do sudoeste frouxos á mañá, aumentando a moderados ao longo do día con intervalos fortes á noite, sendo moi fortes arredor de Bares.
Isto significa que iremos perdendo a influencia anticiclónica ao longo da xornada deste sábado polo achegamento dunha fronte polo Atlántico. Nas Rías Baixas, vento frouxo e variable á mañá, aumentando a sur moderado á tarde.
En Vigo teremos un incremento progresivo das nubes ó longo da xornada, mentras baixan as temperaturas que oscilarán entre os 8 e os 18 graos. Mañá, domingo, chegan intervalos anubrados con precipitacións intermitentes que irán remitindo ao avanzar o día. Temperaturas mínimas en notable ascenso, chegando aos 15 graos, e máximas sen cambios significativos.
