Organizado polo Concello , o Colexio Oficial de Enxeñeiros Industriais de Galicia e FAIMEVI, as Xornadas Técnicas Galegas de Iluminación terán lugar os próximos 24 e 25 de outubro. Tal e como explicou o alcalde durante a súa presentación, trátase de contrastar coñecemento técnico co obxectivo de que Vigo sexa a ser unha cidade “intelixentemente eficiente”.
O Auditorio Municipal de Vigo acollerá a 175 preofesionais e expertos que se reunirán para por en común e difundir os coñecementos máis innovadores sobre a eficiencia e aforro no alumeado que permitan ás administracións un uso enerxético máis eficiente.
Tal e como indicou Abel Caballero en rolda de prensa, “Vigo ten que continuar a ser un exemplo de modernidade “. O alcalde insistiu na “necesidade de escoitar á profesión para ver como se pode facer iluminación máis eficiente”.
Pola súa banda, o concelleiro de Fomento, David Regades, resaltou que a cidade é referente de eficiencia enerxética en Galicia e en España pola posta en marcha de medidas que teñen permitido diminuir o 10% o gasto en iluminación en so un ano. Referiuse á elaboración do mapa lumínico, que facilita unha radiografía exacta de todos os puntos de luz da cidade; á unha nova ordenanza sobre instalacións de alumeado público ou á posta en marcha de enerxías alternativas, como 4 aeroxeradores. Na súa opinión, estas iniciativas determinan o compromiso do Concello co aforro enerxético.
