O número de pensións en Galicia situouse en 736.567 en decembro, un 0,8% máis que en novembro, segundo datos difundidos este xoves polo Instituto Nacional da Seguridade Social (INSS). Os devanditos datos sinalan que @s pensionistas galeg@s seguen a ser os que menos cobran no estado, 702 € de media, 134 € menos que a xubilación media do conxunto do Estado, que está en algo máis de 836 €.
Por provincias, a pensión media é de 740,34 € en A Coruña, onde subiu un 3,3%; seguida de Pontevedra, con 740,03 €s, un 3,4% máis; Lugo con 623,67 €, onde medrou un 3,4% e Ourense, con 611,04 €, cunha subida do 3,3%.
