Os traballadores de Albada, a empresa concesionaria da planta de tratamento de lixo de Nostían, reuniranse este luns cos comités de empresa de Cespa en A Coruña e Ás Mariñas, así como co de Sogama, para tratar de “acordar accións conxuntas” no paro que levan a cabo en defensa do seu convenio colectivo e para esixir a readmisión de 11 compañeiros despedidos.
O presidente do comité de empresa adiantou os traballadores decidiron poñer en marcha novas medidas de presión nos próximos días e descartou que se produza un achegamento de posturas con Albalda ata que as súas reivindicacións sexan tidas en conta. Así, augurou que “a folga vai ser longa” e que “os traballadores están preparados para iso” ata que “se asine o novo convenio e os traballadores sexan readmitidos”.
En concreto, conforme sinalou, os principais puntos de conflito son as rebaixas salariais dun 25% que prevé levar a cabo a empresa e o aumento da xornada laborar de 38,5 a 48 horas o que “suporía o despedimento de 18 traballadores”.
Pola súa banda, a empresa rexeita que se pretenda levar a cabo unha rebaixa salarial do 25%. Fronte a iso, asegurou que Albalda ten que reducir nun 25 polos seus custos de explotación, cifra na que se inclúe gastos correntes como gasolina, luz, ou os propios soldos de todos os traballadores, “incluídos directivos.
