O xuiz Vázquez Taín xa ten a meirande parte dos informes sobre a morte da pequena Asunta Basterra

Os investigadores do crime da pequena Asunta Basterra, o corpo da cal foi atopado nunha pista forestal en Teo o 22 de setembro, ultiman as dilixencias pendentes de remitir o xulgado instrutor, en relación con datos de telefonía móbil.

O xuíz instrutor da causa, José Antonio Vázquez Taín, dispón da maioría dos informes elaborados no marco da investigación, en relación coa triangulación de teléfonos móbiles, probas de toxicoloxía ou trazas, entre outras.

As análises toxicolóxicas reflectiron que a nena tiña 0,68 microgramos por mililitro de sangue dunha substancia do grupo das benzodiazepinas que se correspondería con lorazepam, unha dose de ansiolítico que se considera alta para unha menor de 12 anos.

Os pais adoptivos da nena, Alfonso Basterra e Rosario Porto, permanecen en prisión provisional no cárcere coruñesa de Teixeiro imputados por un delito de asesinato logo de que a Fiscalía elevou de homicidio a asasinato a tipificación dos feitos ao entender que existen as agravantes de aleivosía e parentesco.

Polo momento, o sumario permanece baixo segredo tras pedir o fiscal desta causa que se prorrogase un mes máis o segredo das actuacións, solicitude que aceptou o xuíz instrutor, malia que as defensas se opuxeron ao mantemento.