Unha praza no barrio compostelano de Vista Alegre, situada ao carón da casa natal do dramaturgo Roberto Vidal Bolaño, foi inaugurada este domingo co nome de ‘Saxo Tenor’, unha das obras máis emblemáticas deste autor homenaxeado nas Letras Galegas de 2013.
No acto participaron a presidenta da Asociación de Veciños As Brañas de San Andrés, Dolores Alende, que xunto ao tenor Miguel Vilariño interpretou ‘Negra Sombra’; o fillo do dramaturgo, Roi Vidal; así como o cuarteto de saxos de Merza e o grupo tradicional As Brañas de Andrés coas súas actuacións.
O nomeamento desta praza como ‘Saxo Tenor’, a representación do cal dirixiu o mesmo dramaturgo na súa estrea en 1993, únese ás homenaxes que Compostela lle rende a Roberto Vidal Bolaño, tras a súa elección para celebrar o Día dás Letras Galegas en 2013.
‘Saxo Tenor’ –Premio Álvaro Cunqueiro e Premio Compostela a Mejor texto e escenografía– foi interpretada na súa estrea por Xosé Manuel Olveira ‘Pico’, Elina Luaces, Gonzalo M. Uriarte, Laura Ponte -primeira muller de Vidal Bolaño e nai de Roi Vidal-.
O pasado 17 de maio, con motivo da celebración das Letras Galegas xa se descubriu unha placa en honra de Vidal Bolaño no número 43 da rúa Vista Alegre, na súa casa natal.
