O Sindicato de Estudantes convocou unha folga xeral en Bacharelato e na Universidade o 25 e 26 de febreiro para esixir a derrogación do decreto de ordenación dos estudios universitarios aprobado o pasado venres en Consello de Ministros, e que permitirá ás universidades implantar graos de tres anos.
O colectivo estudantil quere “deixar claro o ministerio que van usar todas as súas forzas e que non van deixar de protestar ata que se retire a medida”. Deste modo, se o Goberno non rectifica a súa medida, haberá unha segunda convocatoria o 17 e o 18 de marzo ya que, subliña, “o novo sistema suporá a morte das universidades públicas e a expulsión dos fillos dos traballadores do sistema universitario”.
O sindicato rexeita, ademáis, a decisión dos reitores de aprazar, polo menos, dous anos a aplicación do Real Decreto, por iso, indica que “se os estudantes estaban escandalizados pola decisión do ministerio o están dobremente polo apoio dos reitores: se defendesen aos estudantes non lle deberían dar un respiro ao Goberno e ser os seus cómplices senón esixir a retirada inmediata e chamar á folga”.
