Empeza a prepararse o XXMMV Arde Lucus

O Arde Lucus XXMMV- que se celebrará do 19 ao 21 de xuño– está en marcha: xa ten cartel. O mesmo é obra de Cristobal Aguiló Domínguez, que o presentou baixo o título “Revive a Historia”. Por cuarto ano consecutivo, o cartel do Arde Lucus foi seleccionado nun concurso ó que se presentaron preto de 40 propostas.

O gañador, que leva un premio de 1.000 €, foi elixido polo xurado, que estivo formado por Adolfo de Abel Vilela, Alejandro Carro Rodriguez e Jose Luis Rodriguez Tella, nunha reunión celebrada este mesmo luns.