Un morto e 68 feridos en accidentes de tráfico nas estradas galegas a pasada fin de semana

O 061 atendeu a 68 persoas debido a 51 accidentes de tráfico rexistrados durante a fin de semana nas estradas galegas, das que unha faleceu.  Segundo informou a Central de Coordinación, o 061 recibiu 66 chamadas en relación cos accidentes de tráfico.

Os recursos sanitarios mobilizados polo 061 ascenderon a 72:  as ambulancias medicalizadas realizaron seis saídas; as asistenciais, 57; e as convencionais, dous; mentres que os médicos de Atención Primaria prestaron asistencia en sete ocasións.

En 54 casos os feridos foron levados aos centros sanitarios correspondentes e en 13 ocasións recibiron asistencia no lugar do incidente sen necesitar traslado, mentres que unha persoa faleceu no punto do sinistro a pesar dos esforzos sanitarios.

Por provincias, a de Pontevedra, con 23 accidentes, foi a que rexistrou máis sinistros durante os desprazamentos da fin de semana; seguida da Coruña, con 17; Lugo, con nove; e Ourense, con dous.