A Asociación Animalista Libera! iniciou unha campaña de recollida de sinaturas para prohibir o sacrificio de animais co obxectivo da entidade é chegar ás 10.000 para poder impulsar unha Iniciativa Lexislativa Popular (ILP) no Parlamento de Galicia.
Como informa nun comunicado, Libera quere “seguir o exemplo” de Madrid e Cataluña, que xa prohibiron esta práctica, e consideran “alcanzable” a cifra de 10.000 sinaturas.
Libera sinala que o sacrificio “non se debería considerar unha medida barata e sinxela” e acusa a concellos e deputacións de “pagar literalmente” por matar animais, en vez de desenvolver unha estratexia contundente en contra dos que os abandonan.
A asociación lembra que a recollida e posterior sacrificio de animais converteuse nun “florecente negocio” para as empresas que logran “beneficios” polo abandono dos animais.
Por último, Libera subliña que a eutanasia de animais domésticos é un proceso caro que se realiza “sen ter en conta a problemática orixinaria”, que son, segundo afirmou, os 14.200 abandonos do ano pasado.
