Galicia ten «un problema» cos incendios. Esa é a opinión do presidente do Goberno galego, tal e como dixo nunha entrevista concedida a Radio Nacional de España (RNE). Alberto Núñez Feijóo lembrou que hai persoas que prenden lume para facer dano, repetindo o que leva decindo varios días a súa conselleira de Medio Rural.
«Cando a maioría dos incendios empezan pasads as 8 do serán, que é cando os helicópteros teñen pouco tempo para voar xa, porque chega a noite, está craro que hai un problema: que hai incendiarios».
Sobre a posibilidade de que o aumento do número de incendios teña que ver coa nova Lei de Montes- aprobada no Congreso cos votos de PP, UPyD, UPN e CiU– o presidente foi terminante, «non», dixo, subliñando que os lumes non teñen que ver con motivos urbanísticos nin co feito de que ata o dagora houbese que esperar 30 anos para edificar nunha zona queimada e ese requisito desaparecese.
Ademáis de botarlle a culpa aos incendiarios, Feijóo tamén sinalou como outro motivo dos incendios a despoboación no rural, xa que a mesma «fai que os montes estén menos coidados», ainda que reiterou que a culpa a teñen os que queiman o monte.
O presidente do Goberno de Galicia, que non comentou as denuncias dos membros dos equipos de extinción polo desmantelamento e privatización dos mesmos, a rebaixa de persoal, os recortes en material ou a falta de formación e cualificación, agradeceu o seu traballo decindo logran que «non se queimen máis de 250 ou 300 hectáreas, evitando grandes incendios».
