3.000 tractores ‘cercan’ Compostela en 10 kilómetros de perímetro, ocupando a Avenida de Lugo, Hórreo, Romero Donallo, Castelao, San Lourenzo, ademáis da entrada pola SC-20, Conxo, Senra dirección Pombal, a zona das estacións do tren e de autobuses.
Preto das 8 da tarde, estaban cortados ao tráfico todos os carriles da Avenida de Lugo e O Hórreo, ademáis de suprimirse varias das paradas de autobús.
A mobilización foi todo un éxito e o obxectivo de paralizar a capital galega conqueriuse dende as 2 da tarde, cando os gandeiros, logo de concentrarse en Salgueiriños, empezaron a moverse para rodear Compostela.
Os gandeiros fixeron público que seguirán en Compostela ata que se aprobe o establecemento dun “prezo mínimo que garanta a cobertura dos custes de produción” fixados actualmente, sinalan, en “0,34 €/litro, máis IVE e o complemento de calidade”
