A Seguridade Social perdeu o mes pasado en Galicia 2.076 afiliados, deixando o total en 949.130, dacordo cos datos difundidos este mércores polo Ministerio de Emprego e Seguridade Social.
A afiliación so medrou en novembro en Pontevedra, exactamente en 388 persoas,o cal representa un 0,1%; pero baixou en Lugo un 0,71%, en Ourense, un 0,47% e en A Coruña, un 0,27%.
A finais do mes pasado 710.515 galegos cotizaban no réxime xeral- deles 27.531 por traballo no fogar e 4.808 na agraria-, 217.474 como autónomos e 21.138 no do mar.
Tamén dacordo cos datos oficiais, a cobertura por desemprego situouse en Galicia a finais de novembro no 49,2% dos desempregados, o que supón que máis da metade dos parados xa non reciben axuda algunha.
Das 108.364 persoas que sí reciben algunha prestación, 43.656 cobran prestacións contributivas, 51.766, subsidios, 11.988, rentas activas de inserción e o resto están no programa de activación do emprego.
