Segundo os datos do barómetro de xaneiro do Centro de Investigacións Sociolóxicas (CIS), coñecidos este xoves, a coalicion En Marea –integrada en Galicia por Podemos, Esquerda Unida e Anova- sería hoxe a segunda forza política galega, so por detrás do Partido Popular.
Os datos sinalan que mesmo melloraría os resultados que acadou nas Elecións Xerais do pasado 20 de decembro-nas que obtivo máis de 400.000 votos, o 25% do total, e 6 escanos-.
A enquisa, feita apenas dúas semanas despois das Elecións e antes da constitución do Congreso e o Senado, sinala que se os galegos tivesen que votar de novo aumentarían o seu apoio a En Marea en un 1%.
No conxunto do Estado, o CIS, apunta a que o Partido Popular gañaría de novo co mesmo resultado que o 20 de decembro, o Partido Socialista perdería un 1,5%, e se quedaría co 20,5% dos sufraxios, por baixo de Podemos e os seus coaligados: en Comun Pódem, A Marea e Compromis; Ciudadanos baixaría do 13,9 ao 13,3% e IU repetiría.
