O presidente do Goberno de Galicia e os alcaldes de Cerdedo e Cotobade poderían anunciar hoxe a fusión destes dous concellos

Este mediodía, o presidente do Goberno de Galicia, acompañado de Silvestre José Balseiros, alcalde de Cerdedo, e Jorge Cubela, de Cotobade, anunciará o inicio da fusión dos dous concellos pontevedreses, a segunda que se acometerá en Galicia, logo da de Oza e Cesuras, na provincia de A Coruña, hai xa tres anos.

Aínda que a nova non foi confirmada oficialmente polo Goberno galego, fontes do Partido Popular, ao que pertencen os dous alcaldes, indicaron que o novo concello pasará a ter algo máis de 6.000 habitantes– 4.300 de Cerdedo e 1.800 de Cotobade- e unha extensión de 214 quilómetros cadrados, casi o dobre que Vigo.