A Rede Social Galicia Sur, a campaña Impórtanos e a Coordinadora Galega de ONGD organizan este domingo 20 de novembro de Vigo a xornada ‘Construíndo ou mundo que queremos. A Axenda 2030’.
O mercado de O Calvario converterase durante todo o día en escenario onde concienciar á poboación de que a pobreza e a desigualdade son cada vez máis extremas e de que “é urxente cambiar este sistema que xera riqueza para o 1% da poboación e un empobrecemento xeneralizado para o resto”.
A xornada centrarase en tres grandes bloques (persoas, planeta e prosperidade) aos que a organización achegarase con diversas actividades que se desenvolverán de 12.00 a 14.30 e de 16.30 a 19.00 horas. Entre as entidades participantes, Oxfam Intermón, Entreculturas, Proclade, Solidariedade Internacional, Cáritas, Alborada, Fundación Juan Soñador, Parroquia Cristo da Vitoria, Comité Óscar Romero, Fiare ou Amigos da Terra.
Haberá xogos cooperativos, obradoiros, contacontos, desfile de moda de comercio xusto, degustación de chocolates e un concerto a cargo do grupo Tardis. Ao final da xornada procederase á lectura dun manifesto.
