A Tarxeta Benvida da Xunta ampliarase en 2017 e podería beneficiar a 15.000 novas familias

A Xunta de Galicia reservará unha partida de 18 millóns de euros para a Tarxeta Benvida, que en 2017 incluirá máis produtos e ampliará os beneficiarios. Deste xeito, ás máis de 12.600 familias que xa son usuarias desta tarxeta, estímase que se van sumar outras 15.000 no próximo ano.

Ademais das familias que no ano 2017 teñan un fillo ou adopten un neno menor dun ano, tamén se poderán beneficiar da Tarxeta Benvida aquelas que estean en situación de garda con fins adoptivos dun neno menor dun ano.

Tamén aumentaranse os lugares onde se pode utilizar a tarxeta, sumándose os establecementos de puericultura ou os especializados en artigos e produtos para a infancia ás farmacias, parafarmacias, supermercados e tendas de alimentación da convocatoria anterior.

Esta axuda será de 1.200 euros, a razón de 100 euros mensuais durante o primeiro ano de vida do bebé, e é compatible coas prestacións por fillo menor de 3 anos ao cargo e a exención de pago nas escolas infantís para familias que teñan xa outro fillo no mesmo centro, co Bono Concilia, co Bono Coidado, co incremento de prazas públicas en escolas infantís para nenos/as de 0 a 3 anos e coas Casas Niño no rural.