Este xoves, día 9 de febreiro, comeza o I Festival Internacional “Xoves clásicos de Vigo” que organiza a Asociación de Música Clásica de Galicia, coa colaboración da Concellería de Cultura. Os concertos terán lugar ata o 6 de abril no Auditorio “Martín Codax” do Conservatorio Superior de Música, na rúa Manuel Olivié.
O festival nace coa idea de ofrecer un programa variado e de calidade, coa participación de reputados intérpretes nacionais e internacionais. Así, o concerto inaugural correrá a cargo da soprano Marta de Castro, xunto ao pinanista Ricardo Francia.
Outros artistas como Margherita Marseglia, Miquel Pérez Perelló, Scaramuccia Ensemble, Josu de Solaun, Cuarteto Compostela, András Kemenes, Jesús Reina, Bobby Chen e La Bellemont Ensemble, completan o cartel de concertos desta primeira edición.
As entradas están á venda no servizo de Ticketea.
