O alcalde entregou este martes os carnés de acceso ao transporte público da cidade a catro usuarios de cadeiras de rodas motorizadas. Todos eles estiveron formándose nas últimas semanas no seu manexo dentro dos autobuses.
Vigo convértese na primeira cidade de Galicia en poñer en funcionamento este sistema que lles permitirá aos usuarios acceder a toda a flota de autobuses urbanos, que están adaptados para estas cadeiras de rodas, algúns ofrecendo unha praza e outros dúas prazas.
Ademais, hai outras seis persoas preparándose para obter a acreditación que lles permitirán empregar o transporte público coas súas “scooters”.
