O alcalde informou este mércores que o Goberno local ven de aprobar o proxecto de obra do ascensor de San Salvador- dentro do proxecto para a implantación de políticas de desenvolvemento urbano sostible «Vigo Vertical»-
O ascensor, que contará cun orzamento de 714.000€ e un prazo estimado de execución de 8 meses, terá paramentos de vidro, capacidade para 12 persoas, e permitirá conectar a rúa de San Salvador con Pizarro a través da Praza Isabel A Católica.
Abel Caballero explicou que, entre as actuacións previstas, está o traslado do Centro de Transformación situado na zona central das escaleiras a outro lugar, a demolición das escaleiras actuais construíndo unhas novas máis acordes e unhas novas de comunicación entre ambas rúas e a pasarela que conectará o elevador coa Praza.
