Representantes do sindicato médico CESM-O’Mega advertiron este luns de que “o pico da gripe aínda non chegou”, polo que esixiron máis persoal e máis recursos para evitar o caos nos diferentes niveis asistenciais.
O doutor Manuel Rodríguez Piñeiro, secretario xeral do O’Mega, denuncio en rolda de prensa que hai un evidente “deterioro da sanidade en Galicia” e incidiu en que “as situacións de colapso e sobrecarga asistencial inícianse no mes de xuño sendo constantes até finais de febreiro do ano seguinte”.
O doutor Piñeiro salientou que as consultas dos centros de saúde “atópanse totalmente desbordadas” por que un profesional se ve “obrigado” a ver ao longo da súa xornada “un número de paciente que supera os 60”, polo que concretan que “se se cumprise o cociente de 10 minutos por paciente serían precisas un mínimo de 10 horas para atendelos”.
Amais, a saturación nos servizos de Urxencias “é algo frecuente e que denunciamos todos os anos”. Así expuxeron que no pasado mes de decembro e neste xaneiro “viuse incrementada de forma moi importante a demanda, debido a varias circunstancias-festivos e climatoloxía-, algo que pasa ano tras ano e que é previsible”.
Os médicos subliñan que a falta de camas operativas provoca que os “pacientes susceptibles de ingreso teñan que permanecer moitas horas agardando” ocasionando que os servizos de urxencias colápsense e impidan que os profesionais poidan dar asistencia axeitada.
