O Concello de Cuntis vén de rematr a programación da ‘XXI Festa do lacón con grelos’, unha das citas culinarias máis agardadas do ano que se celebra o 18 de febreiro, que dende 2010 é Festa de Interese Turístico de Galicia.
Esta edición terá coma pregoeiro ao humorista, monologuista e actor Carlos Blanco, e na mesma actuarán a Agrupación de Música e Baile Tradicional de Cuntis coa Banda de Acordeóns– que serán os encargados de abrir a festa-, a Banda Xuvenil de Cuntis e Banda de Música de Vilaboa-que tocarán nun concerto conxunto e Galifunk Brass.
Por suposto, as actividades abranguen a Feira de Artesanía e Produtos Agroalimentarios, a XII edición de ‘A Camelia no Lacón con grelos’, a X Mostra de Encaixe. Palilleiras no Lacón con grelos; a exposición ‘Casas de Bonecas’, de Manoli Barros; a exposición de Bonsais, de José Francisco Simón e a de ‘Cerámica de Castrolandín’.
Logo do pregón, darase a saída á X Vespalacón, antes do desfile do Entroido Ribeirao, e a actuación do grupo The Bichos Band.
Ás 2 da tarde será o momento central do día: o Xantar-as persoas interesadas poden facer as súas reservas do 7 ao 14 de febereiro-e, logo de gozar co lacón con grelos e as filloas, chegará o intre de participar no Velorio e Enterro do Chapante.
