O ministro de Fomento, Iñigo de la Serna, presidiu este martes a sinatura do contraro de arrendamento entre o presidente de Adif, Juan Bravo, e o alcalde de Redondela, Javier Bas, para converter en vía verde o trazado ferroviario, xa en desuso, no Concello de Redondela, á altura de Chapela.
Trátase dun treito de 1.603 metros de lonxitude, da liña Monforte de Lemos-Vigo, dentro do treito entre Bifurcación Chapela e a vella estación de Vigo-Urzáiz en superficie.
Este tramo está sen servizo dende agosto de 2011, logo da execución das obras do Eixo Atlántico e a nova estación de Vigo-Urzáiz, e foi retirado, definitivamente, do servizo ferroviario o pasado mes de novembro.
O treito de Redondela ten continuidade con outro de 3,6 quilómetros, xa no concello de Vigo, que tamén quedou excluido do tráfico de trens o pasado mes de decembro.
