Inspección de Traballo vén de comunicarlle ao comité de empresa de Frigolouro -centro de produción de porcino do grupo Coren con sede no Porriño- que xa lle trasladou á dirección da empresa que ten que convertir a todos os traballadores autónomos da cooperativa Servicarne en persoal fixo antes do mes de novembro.
A decisión, que afectará a uns 250 empregados, chega despois de que a CIG presentase máis de 80 denuncias diante da autoridade laboral por incumprimentos detectados nas provincias de Ourense, Lugo e Pontevedra nas que a compañía ten centros de traballo.
