O alcalde animou, este xoves, a toda a cidade a participar na Festa da Pedaliña, que comezará o sábado no Castro, con actividades de entre o mediodía e as 9 da noite. ‘A Golpe de Pedal’, organizador do evento, contará co apoio ao programa ‘DisCamino’, representación da ONCE con varios tandem, Álvaro Pino, que estará montando nas bicis adaptadas e axudando aos participantes; animación e postos de comida. O domingo 27, será o momento da ruta popular con saída da Porta do Sol ás 11 da mañá.
‘A Golpe de Pedal’ e o Concello ‘ homenaxean este ano ao Club Ciclista Bici Verde, pioneiro en Galicia e en España das bicicletas de montaña, entidade que celebrou o pasado ano o seu trixésimo aniversario. Ademais, a ONG EntreCulturas será beneficiaria dos fondos recadados, para un proxecto de apoio á educación a refuxiados sirios.
