Un ano mais As Neves volve a encherse de actividades entorno ao tinto Rias Baixas, co gallo da 13ª edición dunha festa que naceu co obxectivo de promocionar uns viños de gran calidade, dentro dunha denominación que o gran público aínda asocia so co branco, pero que cada ano gaña posicións no mundo do viño tinto.
O condado sempre destacou pola produción de viños multivarietais de branco e tinto, pero nas Neves, ademais, está emprazada unha das adegas de referencia da D.O Rias Baixas no que a tintos se refire; Señorío de Rubiós que elabora tintos que inclúen variedades como sousón, mencía, espadeiro ou caíño tinto. Os tintos son, segundo esta adega “Os viños que mellor expresan as características da zona e da terra” e os das Neves destacan polo seu carácter afroitado e polo toque mineral.
Programa de actividades
As actividades arrancan esta mesma semana, o xoves día 28 de xuño, coa presentación oficial da festa no Consello Regulador de Rias Baixas ás 11 da mañá, e na que están presentes o presidente do Consello Regulador o alcalde das Neves e representantes das adegas locais.
Ese mesmo día ás 8 da tarde, inaugurase a Exposición fotográfica “As estacións do tinto” de Ana Araujo, na Biblioteca das Neves, onde poderá visitarse ata o 13 de xullo.
Unha das novidades deste ano, terá lugar o venres 29; coa celebración dunha cea maridaxe “En dous tempos” que se levará a cabo en dous establecementos de hostaleira locais, nun deles será as 8 e media da tarde e noutro as 10 e media da noite, permitindo así que os que queiran podan acudir as dúas citas. Cada local contará con dúas tapas e a presenza de dous adegueiros locais.
O día 30 Iniciarase a ‘3º edición da Ruta dos pinchos das Neves’ na que participarán 7 locais de hostalería: Vide Vide-Novo stop-Chiringuito- Fausto-Valeriano-Donde Vamos? e Era Visto que ofrecerán os seus clientes 1 pincho e 1 tapa ao prezo de 2,50€. Participar dará dereito a entrar no sorteo dunha fin de semana nun balneario, ademais de outros agasallos. A ruta rematará o 6 de xullo.
Programaciòn xullo
Xa no mes de xullo as actividades comezan cun acto pensado para o mundo do viño; unha cata profesional que terá lugar no centro das Neves ás 8 e medida da tarde o día 3 e que estará pilotada por David Pascual, Vicepresidente da Asociación de enólogos de Galicia e enólogo de Algueira, adega de Ribeira Sacra de recoñecido prestixio. Os participantes catarán 7 viños da denominación, seis deles monovarietales (Sousón, Pedral,Castañal, Espadeiro,loureira tinta e Caiño) e un plurivarietal. As prazas dispoñibles serán 30 e o local de cata estará emprazado na rúa Marquesa do Pazo nº8
Os días 4 e 5 están reservados para os amantes do cine e o viño, que poderán visionar na biblioteca das Neves o día 4 a película “Entre copas” do director Alexander Payne e o 5 un documental “O viño de Rubiós” dirixido por LLillo Novas e con imaxe de Moreira. Realizado no 2005 e que inclúe entrañables documentos gráficos de nevenses do mundo do viño, xa desaparecidos.
O broche final desta semana chea de actividades entorno ao viño será un concerto de jazz na adega Señorío de Rubiós o día 6, ás 9 e media da noite, coa actuación do dúo Jazzic piano-guitar. A entrada ten un custo de 6€ e inclúe, ademais da actuación, dous viños e un pincho.
Actividades durante a festa
O sábado día 7 ás 7 da tarde será a apertura da festa e das casetas, nas que estarán dispoñibles viños de 17 adegas da D.O Rias Baixas, ademais no recinto haberá postos gastronómicos, area de xantar e area de xogos.
Este ano As Neves volve a contar coa presenza do impresionante ‘Performance de Pablo Méndez’, ás 9 da noite, que xa na edición anterior fixo as delicias dos asistentes, cun espectáculo cheo de luz e cor.
Ás 8 e media da tarde estará aberto o ‘Tunel do Viño’, para aqueles que desexen catar mais de 30 referencias de viños da D.O Rias Baixas, no local da rúa Marquesa do Pazo nº 8 (Xunto o bar Fausto) o túnel permanecerá aberto ata ás 10 da noite e terá un coste de 10€.
O domingo día 8 os amantes do sendeirismo teñen unha cita no avillón deportivo das Neves ás 9 da mañá, desde onde sairá o autobús que os levará ata a adega Señorío de Rubiós onde dará comezo a ruta de sendeirismo “Entre viñedos”, organizada pola Ruta do Viño das Rías Baixas, en colaboración co Concello das Neves. A ruta rematará na adega Viña Nora onde o autobús os devolverá ao cento das Neves. Os interesados poden reservar praza chamando ao teléfono 986 09 10 88
Ás 11:00 está programada a apertura das casetas e do Túnel do viño e ás 12:00 lerase o pregón que esta ano estará a cargo do actor Antonio Durán ‘Morris’, -Manuel Charlín na serie Fariña-.
Ás 12:30 actuará o grupo A barca de Loimil de música e baile tradicional. Durante a festa os visitantes terán a súa disposición un area de descanso e pic nic na que poderán desfrutar das delicias gastronómicas e do viño que se ofertará nas distintas casetas do recinto feiral.
Ás 3 da tarde, unha actuación para toda a familia Lilicleta, disco retro e xa ás 7 Fran Rey coa historia de Blancaflor, un espectáculo para os mais pequenos. Para rematar, Hindie-folk galego ás 8 e media, con Caxade.
