A dirección da Área Sanitaria de Vigo vén de asegurar que os datos facilitados pola CIG sobre a situación do persoal de Enfermaría son “manifestamente incertos”.
Neste sentido, dende o Servizo Galego de Saúde (Sergas) indícase que “no momento actual, o 75.43% do persoal de enfermaría da area sanitaria de Vigo, en atención primaria e hospitalaria, é persoal fixo, con praza en propiedade”.
Isto supón, salienta o Sergas que, das 1.510 enfermeiras que forman o cadro de persoal, 1.139 teñen praza en propiedade.
“Na última década, nos 12 procesos de Oferta Pública de Emprego OPE celebrados no Servizo Galego de Saúde, 997 enfermeiras obtiveron a praza fixa en Vigo”. Ademais,engade o Sergas, por medio do Plan de Estabilidade do ano 2017, dotáronse 38 prazas de enfermeiras na Área Sanitaria viguesa.
En xeral, conclúe, desde o ano 2015 o crecemento de persoal de enfermería de cadro de persoal ten sido de 118 prazas. E, á vista destes datos acusan á CIG de ter coma “única finalidade de deteriorar a imaxe da sanidade pública galega, cos seus intereses postos nas eleccións sindicais do vindeiro 23 de maio”.
