A Dirección Xeral de Emerxencias da Xunta vén de ampliar a alerta laranxa por temporal costeiro a todo o litoral galego. Nun comunicado, o Goberno de Galicia informa de que a Axencia Estatal de Meteorología (Aemet) sinala que a alerta laranxa actual no noroeste e oeste da provincia da Coruña e no litoral lucense amplíase a partir do mediodía ao resto do litoral coruñés e á provincia de Pontevedra.
Dende esa hora agárdase mar combinada do noroeste con ondas de 5 a 6 metros, que no noroeste da Coruña e en Lugo poden chegar até o 7 metros.
