As persoas amantes do deporte sustentable, a natureza e a orientación xa poden inscribirse na segunda das rutas do programa “Depo Orienta” da Deputación de Pontevedra, que realizarase o domingo 26 de setembro no Monte do Acibal en Barro.
Trátase da segunda das saídas deste programa provincial de orientación
tras a celebrada o pasado domingo no Monte do Galiñeiro.
Incrición
O prazo de inscrición desta nova actividade xa está aberto e pode realizarse no sitio web da Deputación de Pontevedra (www.depo.gal) ata o luns 20 de setembro ou ata esgotar as 200 prazas dispoñibles, momento no que as persoas interesadas pasarán a estar en lista de agarda.
“Depo Orienta” finalizará o 10 de outubro cunha cita na desembocadura do río Umia, en Cambados. Na mesma, o obxectivo dos participantes é o de realizar no menor tempo posible un percorrido marcado no terreo por puntos de control e coa axuda dun mapa.
