O novo goberno municipal recurrirá o ditame da Deputación de Pontevedra que desestima a achega ao Concello do Porriño ao abeiro do programa REACPON.
Presentado polo goberno de Eva García
Aquel proxecto de humanización e prolongación da rúa Antonio Palacios, presentado polo anterior goberno local para a súa financiación con fondos provinciais non acadou o 50% da puntuación requerida nas bases.
645.000 euros
“Falamos de 645.000 euros que nos permitirían levar a cabo unha obra de gran interese para o casco urbano e moi demandada polos veciños á que non podemos renunciar por unha mala xestión“, explicou o alcalde.
Alejandro Lorenzo asegurou que “faremos o que estea nas nosas mans para recuperala, comezando pola presentación dun recurso de reposición para que se revise o proxecto”.
Carril bici
A rúa Antonio Palacios ten un gran tránsito, tanto rodado como peonil, polo que sería adecuado levar a cabo as obras precisas que garantan a seguridade peonil e de circulación, proxectar pasos de peóns sobre elevados, plantar árbores e ademais de dispor zonas de uso e disfrute para a veciñanza e a creación dun carril bici.
