Logo do acordo que iguala as condicións do persoal a tempo competo e a tempo parcial
O cadro de persoal da UTE Zonas Verdes Vigo (Acciona e Mantén) decidiu, por maioría absoluta en asemblea, desconvocar a folga indefinida tras un acordo que iguala as condicións laborais do persoal a tempo completo e a tempo parcial.
EsteO paro indefinido, cuxo inicio estaba previsto para o pasado luns 20 de xuño, fora suspendido antes de comezar tras solicitar a empresa a mediación.
Acordo
Segundo explican dende a CIG-Servizos de Vigo, as partes pactaron que as persoas a tempo parcial van ter os mesmos dereitos que as que traballan a tempo completo, ademais de aplicárselles o convenio na súa integridade, “cousa que até o de agora non sucedía xa que non tiñan os mesmos descansos, nin o mesmo tempo para o bocadillo, nin os mesmos días de libre disposición, entre outras cousas”.
30 horas semanais
En virtude do acordo, a partir do vindeiro 1 de agosto o persoal a tempo parcial pasará a traballar 30 horas semanais para facer horario de tarde e gozarán de dous días de descanso rotativos. Ademais, aumentaráselles a xornada no caso de que se produza un incremento do persoal a tempo completo.
A xornada laboral a tempo completo é de de 35,30 horas este ano e 35 o que vén, “polo que o salario e a cotización do persoal parcial será case como o do persoal a tempo completo”.
