Segue sen control
O incendio forestal declarado o martes na parroquia de Cubilledo, na localidade lucense de Baleira segue sen control e afecta xa a 1.100 hectáreas. Este é o dato que sinala o último parte da Consellería de Medio Rural.
Desde a tarde de onte está activada a ‘Situación 2’, ante a proximidade do lume a varias casas, e tiveron que desaloxarse varias de elas.
Á hora de escribir esta información, traballaban no operativo de extinción 4 técnicos, 24 axentes, 41 brigadas, 23 motobombas e 3 pas, 3 helicópteros, 2 avións, e membros da Unidade Militar de Emerxencias (UME).
