O prazo de inscrición para as Escolas Deportivas de Vigo comezará o luns 4 de setembro, para os rapaces e rapazas que xa participaron no programa municipal en anos anteriores. As novas inscricións poderán facer a matrícula a partir do 15 de setembro. Ambas as dúas poden facerse de xeito presencial ou telemático.
As Escolas Deportivas contan cun orzamento de case 500.000 euros e permiten a actividade deportiva da mocidade entre os 6 e os 18 anos. O Concello oferta 30 modalidades deportivas nas instalacións deportivas municipais nas que 62 entidades deportivas de Vigo desenvolven a actividade. Ademais, o Concello subvenciona o prezo da actividade, aportando as familias 6 euros ao mes e 10 desde as arcas municipais.
Preme AQUÍ para ver as modalidades, horarios, clubes, adestramentos e tramitación das inscricións.
