O Concello da Guarda participará, un ano máis, no proxecto “Libera, unidos contra la basuraleza”, que consistirá nunha limpeza de praias na zona da desembocadura do Río Miño, unha actividade na que tamén colaboran SEOBirdLife e Ecoembes.
Así, o punto de encontro asignado será o Parque do Puntal en Camposancos, onde se repartirá o material preciso (luvas, bolsas…) para realizar a limpeza e se realizará unha pequena charla explicando como será a actividade, que se desenrolará dende O Puntal ata a zona do Codesal, pasando polas praias do Muíño, a Lamiña, a Armona e O Codesal.
A duración aproximada da actividade é de 2 horas, abrindo a participación a todas aquelas persoas que o desexen, sen límite de idade.
Dende o Concello da Guarda convídase a toda a cidadanía a participar nesta actividade porque, subliñan, “a limpeza e mantemento do noso entorno é cousa de tod@s”.
