Dous mortos en accidentes a fin de semana

Os profesionais do 061 asistiron durante a fin de semana da ‘Operación Retorno do Verán’ a 79 persoas debido a 58 accidentes de tráfico ocorridos nas estradas galegas entre as 3 da tarde do venres 8 e as 12 menos un minuto da noite deste domingo, 10 de setembro.

Asi, os recursos sanitarios mobilizados polos médicos que atenderon as chamadas na Central de Coordinación do 061 foron 68: as ambulancias asistenciais de soporte vital avanzado asistiron en 7 accidentes; o helicóptero medicalizado atendeu en 2 ocasións; as ambulancias asistenciais de soporte vital básico asistiron en 56 sinistros e os equipos sanitarios de Atención Primaria, prestaron asistencia sanitaria en 3 accidentes.

En 50 casos os feridos foron trasladados aos centros sanitarios correspondentes, en  27 ocasións atendeuse no propio lugar do incidente e dúas persoas faleceron no lugar do accidente.