Persoal de Urxencias Sanitarias de Galicia-061 asistiu durante a fin de semana 96 persoas debido a 71 accidentes de tráfico ocorridos nas estradas galegas, entre as 3 da tarde do venres, 7, e as 12 menos un minuto da noite do domingo, día 10.
En total son 16 persoas asistidas, 14 accidentes e tres vítimas mortais máis que hai sete días.
A Central de Coordinación do 061 recibiu nestes días 85 chamadas en relación cos accidentes de tráfico. Asi, os recursos sanitarios mobilizados polos médicos que atenderon as chamadas foron 85.
Deles, as ambulancias asistenciais de soporte vital avanzado asistiron en 12 accidentes casos; o helicóptero medicalizado atendeu nun sinistro; as ambulancias asistenciais de soporte vital básico asistiron en 62 sinistros e os equipos sanitarios de Atención Primaria, prestaron asistencia sanitaria en 10 accidentes.
En 70 casos os feridos foron trasladados aos centros sanitarios correspondentes, en 23 ocasións atendeuse no propio lugar do incidente e tres persoas faleceron no punto.
