Como adiantara vigoalminuto, ‘O Bosque Vivente’ -de Sarao Produción e Animación-. abrirá este sábado, 3 de febreiro (19:00h.), en Príncipe, a programación do primerio trimestre de ‘Vigocultura’, que chegará ata o vindeiro 28 de abril.
En total, serán 28 espectáculos, dos que 17 serán para adultos e outras 11 estarán destinadas ao público familiar, a maioría deles no escenario do Auditorio do Concello. A proposta abrangue, como noutras edicións, practicamente todos os ámbitos da representación, xa que conta con teatro de rúa; actuacións musicais; monólogos; comedias; teatro sensorial para bebés; monicreques; danza; maxia; teatro comedia de máscara ou circo.
Haberá compañías e artistas vigueses con predominio das artistas femininas e unha unha estrea mundial: “Neura. Unha comedia neurótica-festiva de ste xeito”, De Ste Xeito Producións.
Entradas
As entradas están á venda na web www.giglon.com, na librería Libros para Soñar e en despacho de billetes o mesmo día do evento. Para algúns dos espectáculos quedan poucos asentos libres-como o monólogo de Touriñán “Aquí tou”, o 16 de febreiro, e para “Heller Keller, a muller marabilla?” de Chévere, o 9 de marzo-.
5.000 persoas
Preto de 5.000 persoas gozan cada trimestre das actuacións de Vigocultura, grazas á presenza na cidade de compañías de teatro dunha gran repercusión, comezando polas propostas e artistas de Vigo.
Programación
Así, ademais da peza inaugural a programación é a seguinte:
- Viernes 9 de febreiro. Basilio Martí: “Transylvanian Suite”. Música
- Sábado 10 de febreiro. Amorodio Teatro: “A nai”. Teatro comedias
- Domingo 11 de febreiro. Markeliñe: “Mamut”. Teatro xestual
- Viernes 16 de febreiro: Ainé Produccións: “Aquí tou”, monólogo de Xosé Antonio Touriñán
- Sábado 17 de febreiro. Contraproduccións S.L.: “Apaga o candil”. Teatro comedia
- Domingo 18 de febreiro. Trémola Teatro: “Brilla, brilla”. Teatro para bebés
- Viernes 23 de febreiro. Ilusionista Pedro Volta: “Ilusionante”. Maxia
- Sábado 24 de febreiro. Contraproduccións S.L: “Entrega en man”. Comedia
- Domingo 25 de febreiro. Roi Borrallas: “Solo”. Marionetas
- Viernes 1 de marzo. Iago Regueiro: “Gracias por venir, homenaje a Lina Morgan”. Comedia
- Sábado 2 de marzo. Sarabela Teatro: “Made in Galiza”. Comedia
- Domingo 3 de marzo. Olivas negras: “O rapto de Befana”. Comedia de máscara
- Sábado 9 de marzo. Chévere Produccións: “Heller Keller, a muller marabilla?”. Teatro contemporáneo
- Domingo 10 de marzo. A maga Fani: “Iguladade, onde estás?”. Maxia
- Viernes 15 de marzo. Manekineko: “Cancións amarelas, flores tristes”. Teatro contemporáneo
- Sábado 16 de marzo. Artyc Content: “Que din as rumorosas”. Teatro contemporáneo
- Domingo 17 de marzo. La Coja Dansa: “El cuento de Persépolis”. Danza
- Viernes 12 de abril. Ron Lalá Teatro: “4×4”. Comedia
- Sábado 13 de abril. Souvenir: “Non é unha canción”. Teatro contemporáneo
- Domingo 14 de abril. Aina Maravillas&Portal71: “Las Cotton”. Marionetas
- Viernes 19 de abril. De ste Xeito Produccións: “Neura”. Estreno. Comedia
- Sábado 20 de abril. Pistacatro Productora de Soños: “La punta de mi nariz”. Circo
- Domingo 12 de abril. Artefeito: “Cirqueiras”. Circo
- Viernes 26 de abril. Cía Kirenia Danza: “Emigrantes”. Danza
- Sábado 27 de abril. LAD Dance Compañy: Qualia”. Danza
- Domingo 28 de abril. Pistacatro Productora de Soños: “361” de la Compañía Proyecto de Tránsito. Híbrido de circo y danza
