O 25 de xaneiro de 2024 Ecoloxistas en Acción Galicia formulou solicitude para obter copia do informe da Confedación Hidrográfima Miño Sil (CHMS) respecto a declaración como de Interés Autonómico (PIA) do proxecto GS360 promovido polo Real Club Celta, de conformidade do dereito de acceso á información pública.
Por Resolución do Secretario Xeral para o Deporte, Jose Ramón Lete Lasa, de 19 de febreiro de 2024, inadmitiuse a solicitude de acceso a información pública realizada por Ecoloxistas en Acción, a pesar de que a Lei de Transparencia, sinala que: “Todas las personas tienen derecho a acceder a la información pública, en los términos previstos en el artículo 105.b) de la Constitución Española, desarrollados por esta Ley. Asimismo, y en el ámbito de sus respectivas competencias, será de aplicación la correspondiente normativa autonómica”.
Ecoloxistas en Acción Galicia entende que a resolución do Secretario Xeral para o Deporte “resulta absolutamente arbitraria, contraria a dereito de xeito evidente, tendo como única motivación poñer impedimento no acceso á información a esta Asociación dado o seu activismo, molesto para os promotores do PIA e as Administracións cómplices”.
“Temos claro que o Secretario xeral para o deporte agochanos a propósito esta información para obstaculizar o noso obxetivo da defensa ambiental dos montes comunais de Mos que se verán gravemente afectados polo proxecto GS-360″, declara Eloy Pérez, coordinador de Ecoloxistas en Acción, quen ademais que é “o propio Secretario xeral é quen promueve a declaración de Interese Autonómico ao proxecto GS360 para poder expropiar terreo forestal de especial protección”
Ecoloxistas en Acción cree que “os feitos poden integrar un delito de prevaricación, do art. 404 do Código Penal”. Por iso vén de solicitar á Fiscalía que “abra dilixencias” e que estime se os documentos aportados son “indiciarios da comisión dun delito ou dalgún outro tipo de responsabilidade”.
