As Festas das Mercedes da Gándara arrancan por sétimo ano coa baixada de carrilanas desde a praza Avelino Vicente ata o Porto. Esta edición celebrarase o sábado 31 de agosto ás 18:00 horas da tarde.
Lembra que as inscricións estarán abertas ata o día 28 de agosto e consistirá en abonar 10€ en rifas. Tres días máis tarde, estes particulares vehículos tomarán as rúas da Guarda, proporcionando moi bos momentos e risas entre espectadores e participantes.
Requisitos dos ‘bólidos’
Todos os vehículos deberán cumprir uns requisitos mínimos: 4 rodas e freo, 2 participantes con casco e unhas dimensións de máximo 160x240cm. Para máis información, os números de teléfono son: 661 281 254, o 649 887 379 e o 647 607 456.
